nDASIDORApih
Auth : AL
Cast : INFINITE
Lebaran tinggal tiga hari lagi, elu elu pada mau tau suasana
kontrakan gue? Nih gue kasih tau ye...
Pertama kamar si ahjussi alias si sipit sunggyu, orang tua
yang satu ini udah beberes seminggu yang lalu, gue juga heran sama tu orang rajinnya
kebangetan. Tapi gue paling takut ama dia, matanye yang sipit ono kalo udah
nglirik kayak ultramen ngeluarin laser. Ngeri men. Atu lagi nih yang bikin gue
ngga abis pikir, oleh2 aja udah di tulis noh di dindingnye..
Yok lanjut kamar paling fantastis bombastis, empunya itu
sama kebo sebelas dua belas. Gempa bumi tsunami udah kagak ngaruh deh. Si
kedondong dongwoo ini kagak tau deh mau mudik apa kagak, kagak ada gelagatnye
buat beberes. Padahal belom puasa aja udah ribut beli sarung sama koko. Heran gue
tiap bulan beli sarung, padahal sholat aja bolong2 gede. Maybe, buat nyarungin
tu bibir yang katanya sekseh kali ye..
Next, ini bisa dibilang kamar yang jarang gue masukin. Yang
punya mirip herder, kesentuh dikit barang berharganya beuuhhh melayang tuh
sepatu futsalnye. Tau kagak ni bocah mau
lebaran tapi yang diurus jualannye mulu. Katanya sih lebaran gini toko onlennya
nam woohyun collection laris, jerseynya laku keras. Apa hubungannye cobak baju
bola sama lebaran? Rada somplak ni orang. Jualan mukena di pinggir jalan lebih
laris men!
Di depan gue sekarang ada pintu warna pink, ada lope lope
gede tulisannye 'hoya cute' gue ngga abis pikir badan segede ono, perut sixpack
tapi demennye pink. Kalo bocah yang satu ini, mudik paling simple. Bawa duit
ama ntu laptop kesayangan aja udah cukup. Eh lu mau tau kagak kenape? Soalnya
baju punya ni bocah pink pink pink jadi kagak pernah tuh dibawa mudik. Tiap mau
mudik ngrengek dulu keemaknye nyuruh beliin koko, alesannye pasti sama 'kagak
sempet mak, sibuk di kantor' hamsyoonggg banget ni bocah.
Kamar yang paling gede ini kamar sebelum kamar terakhir,
soalnye kamar terakhir punya gue! Gue sering cemburu sama dua manusia penghuni
kamar gede ini, nempel terus udah kayak cobek ama ulekan. Duo SungSung ini
kadang bikin gedek, sok sokan ngomong enggres makan ubi rebus aja belagu, udah
tau gue paling bego kalo ngomong pake ntu bahasa planet. Bocah dua ini nih kalo
mudik paling enak, soalnye bisa boncengan pake motor, maklumlah cuma tetangga
Erte. Rumahnye juga deket, ngga nyampe seharian di jalan. Ni bocah dua juga
aneh tiap mudik oleh2nye pasti cuma permen kaki katanya sih biar ngirit,
daripada bagi duit, yang penting ada yg dikasih ke sepupu ponakan tetangga.
Alahhh ngomong aja elu elu pada pelit.
Sekarang gue mau nunjukin ke elu elu pade kamar gue yang
cetar membahana menembus cakrawala membelah samudra. Kamar gue serba item, tapi
sorry men gue bukan deddy kobuset. Di dinding kamar gue ada foto orang paling
ganteng sedunia bin angkasa. Foto gue sih *garuk-garuk*. Oh iye gue mudik juga
kagak mau repot-repot kok. Cuma dua kardus oleh2 ama tas unyu satu. Simple kan?
'kim myung sooo!!!!! Lu apain kamar gue, mbel??' suara yang
bisa ngebelah lautan ngebuat myungsoo alias L ngejingkrak guling dari kursinye.
'heh gembeL! Lu pasti yang ngambil kerdus di kamar gue kan?
Lu tau kagak ntu kerdu2 mau buat kirim baju bola pesenan orang, balikin
cepetan!' woohyun ngomel2 kagak jelas, bikin si eL enek, tapi disabar sabarin
soalnya inget lagi puasa.
'gembeLLLL!!! Lu apain sarung koleksi gue? Sarung kotak2
kesayangan gue nape nangkring di lemari lu? Lu kagak bisa ngebedain sarung ama
baju lu apa?' dasar bocah geblek, diomelin dongwoo si eL cuma nyengir nyengir
kagak jelas. Katanye ngurangin dosa dikit.
'myungsoo soo soo suer gue kepengen ngejitak pala lu, lu mau
ngejatuhin reputasi gue di depan publik? Mau ngancurin karir gue sebagai
playboy?' si sipit mulai uring-uringan juga.
'heh gembeL, gara2 elu fans2 gue ngasih hadiah pink mulu,
kampret lu pan gue mau jadi cowok seutuhnya' loh bang hoya lu bukan cowok ya
selama ini? Ah iya pink lu, gue lupa.
'Oh My God!!' ini nih duo sungsung sungjong sungyeol muncul.
'god, lu mau nulis apa lagi di blog lu? Kagak ada kerjaan lu
sampe2 kamar sekontrakan lu posting?'
kayaknya otak si gembel eh maksudnye si eL
udah jadi lava pijar, digebrak tuh meja belajar unyunye.
'heh elu elu pada ngomel mulu, nyadar kagak lu kalo gue
kagak ngenalin lu di blog gue yg polowersnya ribuan lu lu pade kagak terkenal.
Fesbuk lu lu pada kagak ada yang nge'etttt'
BRUGGG..
Kali ini si ahjussi sipit kagak mau kalah, dia ngebanting
kursi plastik.
'heh lu sadar kagak ini jam berape? Jam 3, bis lu 2 jam lagi
berangkat, gembeLLLL!!!' sekarang kalang kabut dah tu si eL nyari tas yang
gede, ngepakin sandal baru, peci bulet, baju kotak2 yang selusin dibawa semua.
'lu tu mau mudik ape pindahan rumah sih mbeL?' saking
sibuknye sama ntu baju2 dia kagak nyadar tasnya udah penuh semua.
'heh elu elu pada emang udah beberes?'
'mbel mbel, lu tau kagak kita nungguin lu doang, bawaan kita
noh udah nangkring di pintu depan' makin jungkir balik dah tu si eL, saking
asiknya di depan lepi sampe2 kagak nyadar kalo ini hari dia mau mudik. Kamar
udah mirip titanic kesamber petir kagak dipeduliin, langsung dikunci.
'heh ngapain lagi lu mbel?'
'bentar gue mau nulis sesuatu'
hai kamar gue yg ketjeh, met lebaran ye, minal aidin wal
faidzin, maapin juga lu kagak gue beresin, kangenin gue ya.. Micumicu :*
-END-
